محاولة لتصوير واقع الطالب الجزائري اليوم

طالب أم عاشق ؟؟

نص بسيط
19581 مرة
مشاركة في:
Post on Facebook Twitter
Add to your del.icio.us Digg this story
طالب أم عاشق ؟؟

 






دخلت الجامعة و في بالي نقرا       و بالدراسة نكون ضاوي مستقبل

في أحلامي ربيت حلم الدكتورا        و الإرادة لبستها طامع ما نفشل

بصح ملي شت في أول نظرا          وحدة من لبنات جاية تتمريل

أنا عقلي طار ما عادش يقرا         ونسيت دروسي ماعدتش نعقل

بان الحب و ضاع حلم الدكتورا       من عينيها كيف ذا الراي تبدل

تدرس كل نهار وأنا في حيرا         دهشتها ما بغات من الخاطر تنزل

الزين بلا بيها و الله مايصرا         حتى الجامعة بلا بيها تتمل

نديها بذراع ما هيشي غدرا         غي هي في البال بيها نتغزل

شفنا من يخطب في وحدة تقرا       من بين شروطو لازم تبطل

و أنا شروطي ليك يا طفلة عشرا      اتقلشي و قراي في الشرط اللول

و ديريني انا هو الدكتورا             و نخرجو لزوج دار المستقبل

و داويلي لجراح من حبك نبرا         و في قلبك خلي نغيس و نتجول

و زيديلي عينيك غي فيهم نقرا       نقرا كل علوم محال نبطل

و كوني في لبنات أنتيا أميرة          و قوليلهم مازال في قلبي لفحل

شاعر في الملحون هدرتو حرا        غرسني في لشعار وردة ما تذبل

و بانيلي ديما كي مثل القمرا         اذا جيت حزين على حبك نسأل

و نبقى نفتخر بوحدة دكتورة        تقريني في الحب قراية ما تكمل

نكونو للعشاق بسيرتنا عبرا         و للطلاب شكون يبني مستقبل

راه الحب صعيب في وسطو جمرا      و اللي سكنو حب من عقلو يهبل

أنا قريت اعوام ومازالني نقرا        و من حيلة لبنات ما لاقيت الحل

اقرا في التفسير في ذيك السورا      في سورة يوسف قرآن منزل

كيدهن عظيم ما فيهش هدرا          و اللي ركب هواه مواجو ما تسهل

مقدود يوسف  

طالب جامعي

 

Comment icon من فضلك إقرأ قوانين نشر التعليقات قبل أن تضيف تعليقك على المقال

الإشتراك في تعليقات نظام RSS التعليقات (0 منشور)

المجموع: | عرض:

أضف تعليقك

  • عريض
  • مائل
  • تحته خط
  • إقتباس

من فضلك أدخل الكود الذي تراه في الصورة:

Captcha

الكلمات الدلالية:

لا يوجد كلمات دلالية لهذا الموضوع

قيم هذا المقال

1.50