فضاء الشعر

طالب أم عاشق ؟؟

 






دخلت الجامعة و في بالي نقرا       و بالدراسة نكون ضاوي مستقبل

في أحلامي ربيت حلم الدكتورا        و الإرادة لبستها طامع ما نفشل

بصح ملي شت في أول نظرا          وحدة من لبنات جاية تتمريل

أنا عقلي طار ما عادش يقرا         ونسيت دروسي ماعدتش نعقل

بان الحب و ضاع حلم الدكتورا       من عينيها كيف ذا الراي تبدل

تدرس كل نهار وأنا في حيرا         دهشتها ما بغات من الخاطر تنزل

الزين بلا بيها و الله مايصرا         حتى الجامعة بلا بيها تتمل

نديها بذراع ما هيشي غدرا         غي هي في البال بيها نتغزل

شفنا من يخطب في وحدة تقرا       من بين شروطو لازم تبطل

و أنا شروطي ليك يا طفلة عشرا      اتقلشي و قراي في الشرط اللول

و ديريني انا هو الدكتورا             و نخرجو لزوج دار المستقبل

و داويلي لجراح من حبك نبرا         و في قلبك خلي نغيس و نتجول

و زيديلي عينيك غي فيهم نقرا       نقرا كل علوم محال نبطل

و كوني في لبنات أنتيا أميرة          و قوليلهم مازال في قلبي لفحل

شاعر في الملحون هدرتو حرا        غرسني في لشعار وردة ما تذبل

و بانيلي ديما كي مثل القمرا         اذا جيت حزين على حبك نسأل

و نبقى نفتخر بوحدة دكتورة        تقريني في الحب قراية ما تكمل

نكونو للعشاق بسيرتنا عبرا         و للطلاب شكون يبني مستقبل

راه الحب صعيب في وسطو جمرا      و اللي سكنو حب من عقلو يهبل

أنا قريت اعوام ومازالني نقرا        و من حيلة لبنات ما لاقيت الحل

اقرا في التفسير في ذيك السورا      في سورة يوسف قرآن منزل

كيدهن عظيم ما فيهش هدرا          و اللي ركب هواه مواجو ما تسهل

مقدود يوسف  

طالب جامعي

 

مقالات ذات صلة

تعليق واحد

  1. إلى كريم……
    وعدتني وخانت هذيك العضرة
    وعدتني وخانت كيف مرة ومرة
    وعدتني وقالت منغيرك متنرضى
    خانتني وانسات الماضي وانسات
    الفرصة لي اعطاتني وخلات
    خدعتني وخلات……
    وخلات في قلبي حفرة
    قالتها وانسات……
    وانسات أيام العبرة
    ليام الخضرة ليام لي كنا مع بعض
    وهدرة دات هدرة
    خلاتني واقف في حيرة
    بلا سبة قالتها وانسات
    قالت ماليوم انسى هذي النمرة

    شعر : المكوي قلبو
    شكراااااااا مع كل التوفيق

  2. في الجامعة راني كنت باغية نقرا. و بالدراسة نكون ضاوية مستقبل
    كي شفت الجامعة من اول نظرا. بقي حلمي في طاير ما ينزل
    حلمي باش نكون علي قدرا. و في المجتمع نكون خير مثل
    ساعا لقيت من الناس خير الشعار. في الجامعة لقيتو و القلب نذل
    بكري ما كنت من الناس الطيارة. ما كنت من هاذوك لي ك تشوفك تتمريل
    ما كنت ملي تقلد هيفا و يارا. ماني ملي تقلد ميات لون وشكل
    كي لقيتك نتا دخلت في تجارة. البايع فينا ما يشري ما يسال
    سمعت في كلامك لحن القيثارا. و سمعتني في شعرك حتي بحر الرمل
    و قريت في وزانو غزل خيار الشعرا. و بالهدرة غويتني ما خليتلي حل
    خرجت من الجامعة وانا في حيرا. ما بقي في حلم ما بقيت نتامل
    سحارين نتوما معشر الشعرا. و للي جات في طريقكم تستني الاجل

  3. à kadi : d'abord saha aidkoum ! aid said et mobarek à toute l'équipe (oi) journalistes, modérateurs, lecteurs (ices) visiteurs (euses) je voulais vous dire kadi : il n'ya pas que les filles qui sont menteuses, les garçons aussi…ils mentent comme ils respirent !! en clair tout le monde ment à tout le monde..les rapports entre humains sont inextricablement complexes ! faut bien vous y faire, mon ami..
    à youssef makdoud : à ce rythme là , vous n'allez pas terminer vos études de sitôt !! ressaisissez- vous ! ( lool) bonne continuation youssef.

  4. La paix sur vous, je te tire chapeau mon frère,vraiment t'as raison ce que vient de dire,rien n'est trés beau comme l'amour,,surtout si ce dernier provient du fond coeur. Mais dommage actuellement les filles sont totalment pardues, aucune parmis elles n'est pas honnête ni avec soi-même ni avec les garçons.le mesonge à déja pris sa place dans la vie quotidienne y compris la vie sentimentale. bref,ton poème est trés excellent ,je te souhaite un bon progression et une bonne continuation.vraiment je suis fiére d'être m'appartient à une ville où vous êtes.
    cordialement

  5. الاستاذ فتحي . يقول نزار قباني على الناقد أو القاريء أن يقف أمام النص الشعري و الابداعي و قفة المتعبد و المتأمل . لا وقفة القاضي . فأنت في تعليقك يا أستاذ وقفت وقفة القاضي و كأنك جئت لتحرم و تنهى . فانا لم أجعل من الفتاة التي جاءت( تتمريل) لقمة بل كان تعبير عن تحفة أعجب بها الشباب و ألهمت شاعرا حتى يقول ما لديه على طريقته الخاصة و النص الذي كتبته لا يعبر عني شخصيا و انما يعبر عن واقع الجامعة اليوم و المجتمع عامة

  6. فتحي باقي · ‏أستاذ لغة عربية‏ في ‏أستاذ لغة عربية ب‏
    هم الزمان جابلك هذه الهدرة الطفلة عمرها ماكانت لقمة وما تخلكش تقرا بالمرة
    ليا كنت مولى ميعاد وتفهم الحب ماشي عيب والمستقبل واعر وكيته ما منها ما تبرا

  7. Ahmed Kadja · ام القرى كلية ا
    شكرا اخي على عصارة فكرك في قصيدة تلك الجامعية – على العموم القصيدة – هادفة ولها وزن جميل – يبقى فالملاحظة – تكرار الكلمات – حاول ان تتفادى تلك التكرارات واتمنى ان تكون – انها قد استجابت لك ولبت صدحاتك وعرفت ما معناها ؟
    بالتوفيق امزيد من الابداعات اخي يوسف

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
زر الذهاب إلى الأعلى
إغلاق
إغلاق